czwartek, 21 lipca 2016

"Gaudeamus" in Gothic (H. F. Massmann)

1.
Jiukaima, juggans nauh
jukuzja weis saurgos!
Afar bairht auk barniski,
Afar baitran alduman
habaiþ uns hlaiwasna
hlainis du usfilha. 
2.
Ƕar nu sind þai ƕanhun aiw
ƕairbandans faur unsis?
Ƕarboþ jus du hauhistam
Jah at heljai sokjandans,
þarei waila wesun
wintriwe ju filu. 
3.
Ƕairnei suns gaƕeitjada:
afar ƕeilo lutil
Sniumundo qimiþ swults,
Swinþaba du raubon uns:
ainnohun ni armaiþ,
all manne ganimands. 
4.
Hail sijai witubnjis hus,
haila laisarjos is!
Ƕarjizuh siponje hails,
Jah gahlaibe ƕarjizuh
sinteino sijaina
sifandans eis allai. 
5.
Haila nu jah hulþa uns
ƕarjoh mawilono!
Qairrei jah unqeþja
Qinono hazjaidau nu,
gailjandeino gumans,
gardis waldandeino. 
6.
Wahsjai reikjis waldufni
jah sa is waldana!
Mernai unsara gamainþs,
mildiþa þiudanis,
Sei uns her gahilpiþ
hulþo jah gafastaiþ. 
7.
Qainons þan fraqistnai nu
jah fraqiþam neiþa!
Dauþnai jah diabaulus
jah usdreibam dwaliþa,
Lausawaurda, lata,
bilaiandein alla!


Brak komentarzy:

Prześlij komentarz